وحوي يا وحوي

وحوي يا وحوي ايوحا و كمان وحوي ايوحا

روحت يا شعبان ايوحا جيت يا رمضان ايوحا
لسة العربي واقف علي باب الدار ايوحا
مستني النصر يجي من عند الغفار ايوحا
كمان مرة يجي رمضان من غير انتصار ايوحا

وحوي يا وحوي ايوحا و كمان وحوي ايوحا
شعب كل يوم بيموت و لا حتي بنسمع صوت ايوحا
دمنا بقي رخيص حتي ما يجبش تمن التوت ايوحا
في بلادنا مقهورين من حكوماتنا و بنتضرب بالنبوت ايوحا

وحوي يا وحوي ايوحا و كمان وحوي ايوحا
ولا في زمة ولا في ضمير ايوحا
بقينا خلاص مغلوب علي امرنا زي الحمير ايوحا
امتا بقي نخلص من الفقر و ننام علي الحرير ايوحا

وحوي يا وحوي ايوحا و كمان وحوي ايوحا
عرب مستهلكين ولا منتجين ولا متهببين ايوحا
راكبين الماني واكلين امريكاني ولا فيش حاجة بأيديهم عاملين ايوحا
قالك فرعوني و اشوري ياخو اتنايلو و اقعدوا ساكتين ايوحا

وحوي يا وحوي ايوحا و كمان وحوي ايوحا
ياخواننا فوقوا و افهموا اللي قالوه ايوحا
ده لا امريكاني منقذكوا ولا اخوه ايوحا
غير العربي لحمكوا دمكوا انسوه ايوحا

وحوي يا وحوي ايوحا و كمان وحوي ايوحا
يا عاطل عن العمل انسي جواب التعيين ايوحا
انزل و دور علي شغل و لو حكمت شيل الطين ايوحا
ولا يهمك مركز ولا برستيج و لو داقت روح اشتغل عند لعين ايوحا

وحوي يا وحوي ايوحا و كمان وحوي ايوحا
لسانك العربي غيرو مفيش اوعة تسيبوا او تلغيه ايوحا
لا تقول هاي ولا باي باي غير السلام عليكم ولا مافيه ايوحا
اعرف لغتك يعرفك العالم والله صحيح ولا اقدر انفيه ايوحا

وحوي يا وحوي ايوحا و كمان وحوي ايوحا
اخر دعواتي في رمضان الكريم نتقرب لربنا الحليم ايوحا
و ننسي الدنيا و متعتها الوقتية و نبص للجنة الي مليانة بالنعيم ايوحا
ما لا المال نافع ولا التعليم و اله ما ينفعك غير عملك السليم ايوحا

وحوي يا وحوي ايوحا و كمان وحوي ايوحا